Meri wajah se cheharo pe muskurahat ho
,
Bas isee kosis se mujhko sukoon milta hai
,
©#ANKIT
#MYDIARY

Ek Subah mehmaan nawaazi

                                                                 Zindagi ka ek kissa
Dosto Waise kahaani sunna toh sabhi ko pasand hai khaas Kar bachpan mein jab Dadi Nani ki kahaaniya ho. Lekin jab koyi kissa asal zindagi mein hota hai toh uska ehsaas Umar bhar rehta hai
Main bhi apni zindagi ke ek kisse ki hee baat Kar raha
Ek din Subah main ek mehmaan ko ghar ke paas chauraahe se ghar laane ke liye nikla ek baat Aap logo ko jaanna bahut jaruri hai koyi bhi mehmaan aaye ya jaaye usko chauraahe se ghar aur ghar se chauraahe tak laane le jaane ka theka Bina meri margi ke mere ghar ke sanvidhaan me paarit hai
Chaliye aage badhte hai toh main chauraahe se kuch door pahle Maine ek rikshe waale ko overtake Kiya speed lagbhag rahi hogi 30-40 km/hr jyun hee main rickshe ko overtake Kiya ek ladka lagbhag 18 yrs ka apni bike se over speed aaya aur meri bike mein aake bhid gaya gya at ho meri speed thi lagbhag 30-40 hr/km toh Maine aanan faanan mein brake lagakar bike ko puri Tarah se control Kar Liya tha aur main bebas dekhta raha wo ladka overspeed control nahi Kar saka aur aake bhid gaya.
Wo aur uski bike dono zameen par main Gira toh nahi par girte girte bacha jarur Maine turant usko uthaya aur uska haalchaal Jana
Toh Pata Chala halki fulki chot hai
Par Maine usko naseehat Di bas Kyuki main kabhi nahi chahta bewajah ulajhna Kyuki ulajhne se jo huwa tha wo fir se theek nahi ho sakta haalaki Mera agla pahiya puncture ho gaya tha
Khair wo toh repair ho jaata par acchi baat ye thi ki hum dono me kisi ko gehri chot nahi aayi thi haalaki uski bike ka kuch hissa meri daanye Haath me takraya tha toh halki chot thi par ganeemat thi
Khair yaha tak toh ganeemat thi aur Ishwar ki kripa se hum dono halke mein hee nipat gaye
Par aage abhi aur kuch Baaki tha jiski Maine Kalpana bhi nahi ki thi
Achaanak se ek scooty pe do ladies aake chillane lagi ki kaise chalaate ho Chala nahi paate ho toh road pe gaadi kyu laate ho Matlab saaf tha wo galtiyo ka bill mere naam par faade jaa rahi thi
Meri toh samajh mein nahi aa raha tha ye characters iss kisse mein kaha se aa gaye
Lekin kuch samay mein samajh aa gaya ye iss ladke se hee sambandhit characters hai
Kyuki wo uski salaamti ki jaanch padtaal Kar rahe thay
Hadd toh tab ho gayi jab usme se ek bol uthi ki Maine dekha tha ye idhar udhar dekh ke gaadi Chala raha tha jab ki Mera anumaan hai wo log mujhe pahle cross kiye thay aur lagbhag 200-250 mtr aage nikal gaye thay
Maine unko laakh samjhaane ki kosis ki par wo mere naam ka bill faade hee ja rahi thi
Accha ye Hua Uss ladke ne beech mein unko tokte huye chup hone ko bola par gyaat rahe usne unko ye nahi bataya ki galti uski hee thi jo uski aankho mein saaf dikh raha tha
Ho sakta hai unn ladies ko uski aankhe dikh gayi ho aur Mann hee Mann maamle ko samajh gayi ho
Fir wo log chale jaate hai
Main bhi apni puncture bike ghaseet te huye puncture ki dukaan pahuchata hun.
Mehmaan ko milke unko sankshep mein ghatna batata hun
Lekin mere dimaag mein kuch sawaal ghumne lage
Aakhir kyu log apni galti sweekaarna nahi chaahte
Aakhir kyu Bina dekhe samjhe dusre pe ilzaam lagaate hai
Kya wo ladies hone ka Faayda uthana chaah rahi thi ya sirf ye saabit karna chaah rahi thi galti mujhse kabhi ho hee nahi sakti
Waise main chahta toh Main unse jyada unke saath bura vywahaar Kar sakta tha aur mere parichit bhi aage chauraahe par paryaapt thay
Par fir batana chahta hun main mujhe ye sab pasand nahi
Aur isko likhne ka sirf ek maksad hai ki logo ko sochane ki Jarurat hai humko apni galtiya sweekar Karni chahiye bewajah kisi ko jhuthe jaal me fasaana galat hai
Insaan hai hum fir insaaniyat kyu gayab ho rahi.